7 dabeecadood oo noloshaada badali kara

Haddii aad dooneysid inaad maalintaada ka dhigto mid waxtar badan kuuleh, waxaan idinla wadaagi doonaa talooyin qiimo leh oo aad waxbadan ka faa’iideysan doonto.

  1. Isku day inaad hurdada ka toosto xili hore: Hurdada oo aad xili hore ka kacdo waxay awood kuusiineysaa inaad waxbadan qabsato, oo aad maalintaada adigoo firfircoon kasoo baxdo guriga.
  2. Dabeecad ka dhigo inaad salaada tukato waqtigeeda: Masuuliyad aad u weyn iska saar inaad salaadaha waqtigooda ilaaliso, dabeecad ka dhigo in salaada ama aad jamac ku tukato ama aad waqtigeeda waxkasta oo aad qabanayso u joojiso.
  3. Maalintii ugu yaraan 30 daqiiqo oo jimicsi ah sameey: ama soo yar lugeey ama dabaalo ama orod ama kubad ciyaar laakiin isku day inaad maalintii dhaqdhaqaaq sameyso si aad ugaga badbaado cuduro badan.
  4. Wax aqri maalintii xitaa 10 bog ha ahaadeene: Jadwalka ku darso inaad maalintii waxaqriso, waliba wax aad xiiseynayso oo aanad ka caajiseyn.
  5. Maalintii 1 saac waxaad ugu talagashaa inaad xirfado cusub barato: Waa inay jirtaa qaab aad u kobcineyso xirfadahaaga markasta, xitaa hadii aad tahay qof dhaqaale ahaan isku filan waa inaad wax cusub barataa si aad ula jaanqaado caalamkan aadka isku badbadalaya.
  6. Cunto nafaqo leh cun, si jirkaagu u helo tamar iyo caqli ku filan oo uu wax ku qaban karo: Haddii aanad helin nafaqooyinka aasaasiga ah ee uu jirkaagu u baahanyahay waxaa dhici doonta inaad dareento daal badan oo maskaxda iyo jirka ah, inuu yaraado halabuurkaaga iyo caajis badan, marka ku dadaal inaad cunto cunto nafaqo leh oo kuu wanaagsan.
  7. Iska ilaali waxyaabaha kuu keenaya raaxada fudud ee aan kuu wanaagsanayn: Waxaa jira waxyaabo kuu keeni kara inaad la qabsato oo kor u qaadaya Dopamine-taada sida inaad filimaan xunxun daawato, ama inaad waqti badan ku bixiso baraha bulshada

Leave a Reply

Your email address will not be published. Required fields are marked *