Qaab wanaagsan oo aad Lacagahaaga ku maalgashan karto.

Maalgashigu kaliya ma ahan inaad lacagtaada ganacsi ku darto iyo waxyaabaha lamid ka ah, balse inaad lacag uruursato waa qeyb kamid ah maalgashi aad maalgashanayso mustaqbalkaaga.

Dhibaatooyinka ugu weyn ee keydsiga lacagaha (saving money) dhalinyarada ka qabsata waxaa ugu waaweyn

• iska ilaalinta dib u isticmaalida lacagtaas
• jaanis u helida lacagaha aad ku keydinayso.
• Iyo inaad kufikirto xadiga lacagta yar inaysan keydin ku habooneyn

Waxaan idiin hayaa barnaamij cajiib ah oo caqabado badan xalin kara.

Barnaamijka keydso ee shirkadda Somtel leedahay waa barnaamij runtii waxbadan laga faaiideysan karo, dabcan qormadan ma ahan mid ay shirkada Somtel maalgalisay balse barnaamijka Keydso ayaa aad ii qanciyay.

Barnaamijkan wuxuu kuu ogolaanayaa inaad lacagtaada ku xidhato waqti cayiman sida: bil ama 3 bilood ilaa sanad, adigoon awood u lahayn inaad isticmaasho.

Waxyaabaha aan aadka uga helay waxaa kamid ah.

1. Waxaad keydin karaa xadi aad u yar ilaa kun shilin
2. Markasta iyo meelkasta oo aad joogto waad keydin kartaa uma baahnid inaad bankiga tagto.
3. Wuxuu kaa ilaalinayaa inaad lacagtaada dib u isticmaasho.

Barnaamijkan oo kale wuxuu ku fiicanyahay inaad ku keydsato lacag dheeraad ah, tusaale: nus doolar kaaga bixi lahaa inaad shaah meelahaas kaga cabto ama 10 doolar aad wax maalaayacni ku qaban lahayd iyo waxyaabaha lamidka ah.

Balse ha galin lacag laga yaabo inaad u baahato oo aad howlo muhiim ah ku qabanayso, balse waa qaab aad mustaqbalka ugu diyaargaroobi karto

Hore ma u isticmaashay barnaamijkan nala wadaag qeybta commentska.