Asxaabtii Rasuulka ﷺ ilaahay haka raali noqdee waxay ahaayeen dad nolosha meelkasta ka wanaagsan haday noqoto dhanka cibaadada, la dhaqanka dadka kale, iyo nolosha inteeda kaleba, waxaan halkan idinkula wadaagayaa 8 dabeecad oo ay lahaayeen kuwaasoo ay maalinkasta ku dhaqmi jireen.
- Waxay hurdada ka toosi jireen xili hore: Waxay ahaayeen kuwa ilaaliya Salaada subax oo xitaa kahor toosa oo salaatul layl sii tukada, marka inaad hurdada xili hore ka toostaa waxay kaa dhigaysaa qof nolosha ku guuleysta.
- Waxay Salaada tukan jireen waqtigeeda: Asxaabtii Rasuulka waxay aad u ilaalin waqtiga salaada iyagoo markasta ku tukan jiray Jamaca.
- Aqrinta Quraanka: Saxaabadu waxay aad ugu dadaali jireen aqrinta quraanka, oo waxay u ahayd caado ay maalin kasta caadeysteen inay sameeyaan, sidoo kale way ku dadaali jireen inay xifdiyaan.
- Waxay ku dadaali jireen ku dayashada Nebiga ﷺ : Asxaabtu waxay ahaayeen kuwa aad ugu dayda Nebiga oo markasta dhaqankiisa iyo inay wax ka korodhsadaan aqoontiisa iyo siduu u noolaa.
- Caawinta dadka kale: asxaabtu waxay ahaayeen kuwa is caawiya oo midka midka kale waxa uu dhaamo ayuu ku caawin jiray sidoo kale waxay ku dadaali jireen inay Dari
- Waxay ahaayeen kuwa saamaxaad badan: Asxaabtu dadka qaladka ka gala oo ku xadgudba waxay ahaayeen kuwa iska cafiya oo aan caloosha wax ugu qaban, inaad dadka saamaxaad u fidiso waa caado wanaagsan oo aad kaga dayan karto
- Waxay ahaayeen kuwa daacadnimo badan: asxaabta rasuulka waxay ahaayeen kuwa lagu yaqaano daacadnimadda iyo amaanadda, waxay ahaayeen kuwa markasta ilaaliya balanta ay galayaa.
- Waxay ahaayeen kuwa sabar badan: ma ahayn kuwa dagdag badan oo cadho badan markasta waxa ay doonayaan way u sabri jireen siday ku heli lahaayeen, wixii ka nusqaamana way u sabri jireen Ilaahay ayayna uga mahadcelin jireen.
